一人一半的概念(鮑魚燒賣篇)

名點心-真係好大隻嘅鮑魚燒賣

逛魚街，餓了，附近的譚仔、華星也吃膩了，便與他隨處逛逛，想要找些好吃的。

往太子方向去了兩個街口，我想那裡是太子的酒吧街吧，唯獨有一家點心店，門口座滿了等候的客人，裝潢亦相當亮麗……對不起，笨妹不是要介紹這家，笨妹目前人生中最討厭是等位，當年最愛的細蓉關門大吉，人們爭相悼念，笨妹亦沒有加入成為蛇餅的一員。

在亮麗點心不遠處，就是「名點心」，裝修全無特別，餐牌設計老套不堪，總之是不會吸引你進去就是了。

進店後，姐姐先給你一張點心紙，選擇比想像中多。我們隨手畫了個｢鳳爪排骨飯｣、｢蝦餃｣、｢小籠包｣……當然少不得標榜必試的「鮑魚燒賣」。

自小喜歡吃蒸飯，卻因苯妹是女生，不喜歡軟飯的關係，非常痛恨別人把它蒸成爛飯。而名點心的蒸飯仍有咬口。如果他日只有一個人在附近，我會一個人吃一個飯。

蝦餃，蝦的數目非同少可，脹卜卜的蝦餃，粗略觀察結果，也有4-5隻小蝦(當然沒有細數),而且餃皮煙韌，是笨妹喜歡的。

但小籠包卻是這個晚茶的敗筆，也許是我運氣差，其中一粒小籠包早已穿了一個小洞，湯水都向我揮手說再見，第二粒雖然沒有破開，但餃皮偏乾，湯水非常少。(但他卻對小籠包幾滿意，這就是傳說中的男女大不同。)

還記得與他曾到有名的點心店吃午飯，那粒鮑魚燒賣果然圖片只供參考，我的指甲比那粒鮑魚還要大。而名點心的鮑魚燒賣，真的好香，好入味，$15一粒絕對抵食！

整體來說，名點心沒有太大驚喜，若想見試鮑魚燒賣，的確可以一試。

地址：太子太子運動場道7號B地下

回頭率　：★★☆　(五星為最高)

性價比　：★★★★

好食指數：★★★☆

＝＝＝＝＝＝＝＝＝我是分隔線＝＝＝＝＝＝＝＝＝

以下是笨妹的專頁，會與大家分享手繪漫畫的唷～有空進來看看吧！

Facebook 專頁　：https://www.facebook.com/peonyloveeating?ref=hl
instagram　　　：https://instagram.com/peony_love_eating/

為食魚火鍋專門店 For Fish Eating-「烤桂花魚」、「胡椒豬肚雞煲」、「椒鹽九肚魚」及靚仔老闆

前言：

因為實在太好味，成班朋友手快有手慢無，

影咗一張相證明有嚟食，就咩都唔理啦！！！！

正題：

當日，成班來自將軍澳嘅朋友，一齊嚟到港島行山，好健康咁由土地灣行去大浪灣。作為土生土長嘅東區之友，當然要介紹啲好嘢食俾非常少係東區活動嘅朋友。

其實，我想帶佢哋去「雞煲盞」㗎，點知無人聽電話，廢事過到去發現無開鋪就無癮啦。加上當日食完個早餐就開始行，無嘢落肚仲要係大浪灣浪漫食風，出到筲箕灣已經差唔多八點，相信大家都無心情摸門釘。

既然心水餐廳無開，唯有行入「筲箕灣食街」東大街搵嘢食，「為食魚」其實都開咗一段時間，無奈笨母唔太食魚，所以一直都無試，我就膽粗粗話不如食呢間。

------------------------我是分隔線------------------------

就咁睇，舖面其實好細，一眼睇晒，八點先去其實都驚無位。點知入到去，率先令人驚喜嘅係靚仔老闆熱情招呼，佢見我哋成班朋友(望一眼就知會嘈親其他客) ，就好貼心咁俾咗間房我哋坐。

望下個餐牌，價錢可以話偏貴，嗰下都驚帶咗啲朋友去中伏，丸類，餃類，每份得六粒，我哋七個人都唔夠分，個價錢亦顯得有啲貴。但係都要推介個「為食小籠包」，雖然有啲貴，42蚊得6粒，但係食落幾有驚喜，同個真嘅小籠包都有得揮！

我哋點咗「烤桂花魚」、「胡椒豬肚雞煲」，另外再叫啲火鍋配料、小食、串燒咁。

桂花魚好滑，食落好舒服，加上桂花唔多骨，唔使驚哽親。

而個「胡椒豬肚雞煲」，成班熱愛胡椒味嘅人同老闆講唔夠胡椒味，想胡椒味再香啲，老闆二話不說就俾咗碗胡椒我哋無限添加，豬肚唔羶，雞肉夠滑，個湯又香濃，真係好爽吖！啱晒行完龍脊吹完風嘅我哋。

但係最深刻嘅係味「椒鹽九肚魚」，皮薄爽脆香滑多汁，都唔夠形容佢有幾好食！

最令人失望嘅係，食過返尋味想encore個「椒鹽九肚魚」，竟然賣晒呀！嗰種失落真係完全形容唔到。唔係吹水，佢哋個九肚魚，係我廿四歲女以嚟，食過最最最最最最最最最最最最最最最最最最最最最……好食嘅一次，真係好想衝入廚房叫個師傅教我點先可以炸到咁滑咁皮薄咁多汁！！！

聽住成班人失落嘅聲音，個姐姐即刻介紹我哋食「一口豆腐」，果然無介紹錯，但係都無第一啖嘅九肚魚咁驚喜。（利申：笨安妮從來都唔鍾意食豆腐，但係佢整得好好食，都食咗三粒，嘻。)

要留意嘅係，佢只收現金，唔收eps、信用卡，所以去食之前，要㩒定錢呀！不過間舖好近地鐵站同有得攞錢嘅便利店，發現唔夠錢可以即刻去㩒都得。

總算保得住「識食小先鋒」呢個頭銜，老闆加油吖，我會再幫襯㗎！！

回頭率　：★★★★　(五星為最高)

性價比　：★★★☆

好食指數：★★★★☆

地址：筲箕灣筲箕灣東大街109號東成樓地舖

-----------

同場加映，大浪手工啤

呢隻酒係來自夏威夷，並唔係為大浪灣而設㗎！

如果要飲made in Hong Kong 嘅啤酒，等我再行次山搵搵先！

不過坐係大浪灣吹住海風，拎住支大浪啤，又幾好feel㗎。

而淡淡果香味，唔濃，啱晒女仔飲，

相對又無1664嗰啲咁甜，我鍾意(っ´ω`c)

＝＝＝＝＝＝＝＝＝我是分隔線＝＝＝＝＝＝＝＝＝

以下是笨妹的專頁，會與大家分享手繪漫畫的唷～有空進來看看吧！

Facebook 專頁    ：點我前往
instagram              ： 點我前往

Openrice                :   點我前往

[為食安妮]煙肉蒜香意粉(二人份量)

是咁的，我家有位小小姐，非常喜歡吃蒜香意粉，過去兩年笨妹家族的生日會、大食會，蒜香意粉必定會準時現身。而這個食譜並非某大連鎖集團使用巨量蒜粉的版本，而是需要花心思，把蒜頭慢慢切成小粒再炸香的款式。

某天，我闖進那道神秘的廚房大門，終於拜師成功，令舅母出手賜教(っ´ω`c)

材料：

意粉      200克

煙肉粒  1包(超級市場有煙肉粒買，但係比較貴，可以考慮下買煙肉條切粒)

蒜頭      4-5粒 (切小粒)

然後，我諗任何唔會出水嘅蔬菜都可以隨意加入，
我就揀咗西蘭花同甘筍粒（咁啱個雪櫃有）

調味料：

鹽，胡椒粉，黑椒 (你鍾意都可以加嘅)

步驟：

1.所有蔬菜汆水，瀝乾備用。

2.意粉水滾落煲，加入適量橄欖油同鹽，煮到就熟，瀝乾備用。

3.用橄欖油起鑊，將煙肉炒至金黃色，備用。

4.原鑊爆香蒜粒，當蒜粒變成金黃色之後將煙肉同蔬菜粒回鑊。

5.拌入意粉，要令所以意粉都泛少少油光，上碟即成。

註 ：這個食譜絕對唔可以吝嗇橄欖油的份量，如果唔係個意粉唔會夠香㗎！

＝＝＝＝＝＝＝＝＝我是分隔線＝＝＝＝＝＝＝＝＝

以下是笨妹的專頁，會與大家分享手繪漫畫的唷～有空進來看看吧！

Facebook 專頁    ：點我前往
instagram              ： 點我前往

Openrice                :   點我前往

華星冰室 Capital Café -「黑松露炒蛋」、「魔鬼豬扒包」

那天，我和他到了晚飯時間還沒那麼餓，便想到茶記隨便吃個飯就好了。經過華星冰室，仍見有三數個位置，便走進去找些好吃的。

到華星冰室，喝杯奶茶是正常，吃份炒蛋是常識，點個常餐是常態。但我卻不會喝奶茶，兩個肚子不太餓的人，吃兩份常餐又太多，一份又實在太少。

殊不知，他突然把視線離開桌上被封印的餐牌，抬頭看着我身後的一塊黑板，默默說了一句 ：「不如叫黑松露炒蛋。」聽到這句說話的時候，我不禁於心裡問了一句「這不是《愛。回家》中誰家灶頭的名菜嗎？」

其實，病了，嗅覺弱得快沒命，吃甚麼也不會聞到它的氣味吧，便決定點一份先吃了算。

別問我有多香，只知道當鼻子出現了比紅磡塞車還是誇張的鼻塞，但依然口嗅到一點黑松露的味道。厚多士沒有燶，是那種剛剛好的香脆，炒蛋滑溜，讓兩個人吃一份的我們差點要大打出手。

兩個人只有一份多士，感覺也實在太少了，看到一個名為「魔鬼豬扒包」的食物，便再點一份。為甚麼名字會帶上魔鬼兩個字？不知為何腦海裡突然飄出如「譚仔大辣」、「地獄拉麵」等的名稱，馬上想要打退當鼓⋯⋯

在不斷猜測、緊張、擔心、害怕⋯⋯的心情下，魔鬼終於要出現了！

這個魔鬼看似相當善良，只有生菜、番茄、豬扒，和一些醬料，沒有想象中「紅噹噹」的血腥畫面。這樣我就不客氣囉！才吃了一口，豬扒軟軟多汁的，卻突然有眼淚想要從我的眼眶跑出來，但那絕不是好吃得要命的淚水⋯⋯

雖然旺角華星的食物很好，環境很好，服務卻沒有澳牛的光速五星級服務，不要埋怨侍應哥哥沒有用眼神好好招呼你，感受香港飲食業的無敵特色。

價錢：黑松露炒蛋 ＋魔鬼豬扒包＋凍檸茶 ＝＄8X

回頭率　：★★★★　(五星為最高)

性價比　：★★★★
好食指數：★★★★

地址 ：旺角西洋菜南街107號地下


＝＝＝＝＝＝＝＝＝我是分隔線＝＝＝＝＝＝＝＝＝

以下是笨妹的專頁，會與大家分享手繪漫畫的唷～有空進來看看吧！

Facebook 專頁    ：點我前往
instagram              ： 點我前往

Openrice                :   點我前往

繼光香香雞 － 絕不油膩的台式炸雞

笨安妮一向對炸物都幾反感，
唔係怕肥，係怕啲嘢太油膩，食完喉嚨痛，好快就會病。

但係繼光香香雞真係令我想一食再食
就算佢只係用個紙袋放入新鮮炸好嘅雞，都無半滴油係個袋上面，
食落仲好多汁，真係令人想go through好好味呀！！！！

真係好多人排隊，

可惜嘅係﹐香港暫時得坑口連理街同旺角西洋菜街附近兩間分店，

所以都唔係成日都可以去買嚟食。

係等待嘅過程入面，仲可以望住炸雞哥哥即叫即炸，

熟手炸雞手法真係令人嘆為觀止。

終於有得食，

熱辣辣放入口，多汁好食，絕對無得輸，

加上佢嘅個秘製中藥胡椒粉，真係好特別嘅風味，令人想一食再食，

而家兩個食一包細嘅香香炸雞已經滿足唔到我哋啦！！！！

笨安妮評級
回頭率　：★★★★☆　(五星為最高)

性價比　：★★★★★
好食指數：★★★★         － 略嫌間中幫襯嘅時候炸得有啲乾，但係水準都算係穩定。

＝＝＝＝＝＝＝＝＝我是分隔線＝＝＝＝＝＝＝＝＝

以下是笨妹的專頁，會與大家分享手繪漫畫的唷～有空進來看看吧！

Facebook 專頁　：https://www.facebook.com/peonyloveeating?ref=hl

instagram　　　：https://instagram.com/peony_love_eating/

[為食安妮]一口小菇菇

一啖一粒，多汁好味，食到停唔到的〖一口小菇菇〗！！

材料：
豬肉　適量　（買咗12蚊都用唔曬，最好自己親手切做免治肉啦，買現成嘅其實好____。請自行填充）
白蘑菇 1包 (係pk買1包10.9，都叫有10粒)
蒜頭 2粒 (請自行切成蓉)
雞蛋 1隻 (唔臭即可)
芝士 1塊 (可以唔加)

調味料
黑胡椒粉、鹽、生粉

最重要啦!!!步驟!!
1. 白蘑菇抹乾淨，去蒂，備用。(為了成為惜食小精英，菇蒂切粒備用。)
2. 豬肉、菇蒂、蒜蓉、雞蛋拌勻，再加入黑胡椒粉同鹽，之後慢慢加生粉。(一定要慢慢，如果加太多就會好難食，所以同做人一樣，見好就收。)
3. 白蘑菇拍上少少生粉，再釀上豬肉。(唔拍生粉可能會令到豬菇分離，咁就唔係咁好啦)
4. 焗爐預熱，大概180度火，焗20分鐘。後加咗芝士，可以用火槍燒一燒香佢，即成。(因為唔係咩大富大貴人家，買唔到證書無菌豬，所以唔熟唔食！)

但係肥膏三吋，非一日之饞。笨安妮提提你記得唔好亂食嘢xd。

＝＝＝＝＝＝＝＝＝我是分隔線＝＝＝＝＝＝＝＝＝

以下是笨妹的專頁，會與大家分享手繪漫畫的唷～有空進來看看吧！

Facebook 專頁　：https://www.facebook.com/peonyloveeating?ref=hl
instagram　　　：https://instagram.com/peony_love_eating/