HeSheEat Cafe － 當生米無法煮食熟飯

銅鑼灣地帶自從裝修完之後，吉舖多咗好多，人流亦少咗好多。加上笨妹幾年前已經離開咗銅鑼灣呢個地方，去咗第二度返工，自不然都少咗係銅鑼灣出沒，連好難食間misocool執咗，變成HeSheEat Cafe都唔知。（謎音：地帶呢個舖位，咁多年都無一間嘢係真係好食。）

其實，本來約咗兩位朋友想話去中山公園追月，但係因為太多人嘅關係，我哋最後都係決定另覓節目，然後，有位朋友話：「之前同人食過HeSheEat Cafe，幾好食，可以去試吓喎。」就聽到「幾好食」呢句，試吓無妨。

都未到六點，HeSheEat Cafe已經近乎滿座，唔通真係咁好食？一行四人，除咗各自點一杯嘢飲，就叫咗「炸雞翼韓式辛辣醬」、「意大利火腿意大利鹹魚沙律」、「墨魚汁魷魚扁意粉」同「春雞藏紅花番茄意大利飯」。而侍應姐姐會提醒你，意大利飯要等四個字到半個鐘左右，咁春雞要時間焗，合理。

意大利火腿意大利鹹魚沙律

隻蛋幾好食，唔會話太生。但係笨妹唔知道鹹魚係邊到，除咗巴馬火腿，食唔出邊到仲有鹹味，笨妹一度以為，唔通啲芝士就係意大利鹹魚？！

結果，笨妹返到屋企即刻google, 鹹魚真係鹹魚，唔通佢哋將啲魚肉碎撈咗落個沙律醬到，所以食唔出？

墨魚汁魷魚扁意粉

墨魚無醃過，除咗魷魚味同隨碟可以自己加嘅檸檬汁味之外，咩味都無，真係好fresh……

睇唔少食評話呢個麵會有辣味，um……食唔出，但係辣椒乾就見到粒。不過意粉夠彈牙，都算交到功課。

炸雞翼韓式辛辣醬

個韓式辛辣醬有柚子味，可取，食落口個感覺相當特別，但係偏辣，唔食辣嘅人叫之前要諗清楚。

雞翼無適當解凍，雖然調味夠，但係仍然無法掩蓋因為雪味而引起的怪味，笨安妮將這種味道命名為「雞味」，即係難食。

(但係宏觀身邊好多朋友都食唔到陣味，所以只能怪是舌頭的錯)

春雞藏紅花番茄意大利飯

意大利飯未熟，非單純有骨，明顯個心仲生；春雞，乾而柴皮，完。

(利申：笨妹非軟飯王，如果煲飯落多咗少少水，嗰餐飯都絕對唔會扒飯。) 

除咗叫嘢食之外，一行四人各自叫咗杯飲品，簡單嚟講，係四杯糖漿飲品。

其實糖漿飲品有一樣好討厭嘅問題，就係你根本無得少甜，少甜即係減少你選擇嘅口味。

而你杯飲品就係用糖漿加茶/咖啡/朱古力溝出嚟，其實，差唔多成40蚊杯，都偏貴。

簡單嚟講，餐飯好貴，唔知係咪我唔好彩，OPENRICE好多食評都讚到天上有地下無，但係我除咗個雞翼醬(無錯，係個醬) 同沙律之外，我覺得廚房根本無心機做嘢。加上友人講咗句：同上次嚟食比，今次真差啲。令我想問一句，唔通廚房換咗人？

點知，友人好衰咁講咗一句：「今日跑馬……」

咦？好似明咗啲咩。

===========我是分隔線===========

同大家講一個餐廳與跑馬有關嘅笑話。

有日，笨妹與他去咗一間串燒檔到食晚飯(當然係星期三)

隔離枱有人望住部電視：屌，亞視嚟嘅！

然後，佢望住侍應姐姐問可唔可以轉枱。

點知，廚房個出菜位即刻伸咗個人頭出嚟：唔好意思，今晚跑馬，我想睇電視。

BTW, 而家亞視連馬都無得跑，之後星期三晚係咪會變成，屌！J2嚟嘅！

===========我是分隔線===========

HeSheEat Cafe
地址 ：銅鑼灣記利佐治街2-10號銅鑼灣地帶2樓201號舖

營業時間：星期一至日: 12:30-23:30

回頭率　：★★☆　(五星為最高) 

性價比　：★★☆

好食指數：★★☆

＝＝＝＝＝＝＝＝＝我是分隔線＝＝＝＝＝＝＝＝＝

以下是笨妹的專頁，會與大家分享手繪漫畫的唷～有空進來看看吧！

FB//點我前往

ig //點我前往

開飯//點我前往

一杯鐵板燒居酒屋 － 原來關西燒是這樣的！

諸事不順的一天⋯⋯想要去淺水灣，卻下起豪雨⋯⋯想嚐一下的餐廳古今也FULL BOOKING⋯⋯（後話）買了四注六合彩，只中一個字⋯⋯(￣ε(#￣)萬念俱灰的情況下，最後到APM的「一杯」。

大約等了半小時便有位置了。而入座時，帶位的哥哥會先行說明離座時間，大約可以坐一個半小時吧。

一杯的裝橫絕對是充滿心思，走進一杯的感覺，儼如在日劇《謝謝款待》一般，感覺好可愛(/≧▽≦/)（令人好想去買一套浴衣來做角色扮演～）

如可以坐在吧枱，還可以看到廚師哥哥姐姐為你做炒麵和關西燒的～

因為坐在店外等的時候，笨妹已經決定了要點甚麼，所以，馬上點菜啦！等一會，菜就要來啦！

笨妹的第一道菜，是永遠的啤酒⋯⋯

關西燒一品（豚肉）

上菜時，店員姐姐會悉心幫大家切成九件唷～。

要注意哦！點豚肉的關西燒，與「豚平關西燒」是不一樣的！

這回，笨安妮才發現關西燒與甚麼文字燒、廣島燒不一樣，關西燒的感覺很鬆散。(別裝了，你根本不懂⋯⋯)

關西燒的味道很濃，甜味很重，醬汁很多。所以都很好吃。而關西燒中有滿滿的椰菜絲，感覺很健康－V－

（想到這一點便感到快要胖死了⋯⋯但好吃基本上都有代價/.\）

清酒煮蜆

額(￣ε(#￣)，基本上笨妹吃日式餐廳必點的菜式，而一杯的清酒煮蜆，算是笨妹排行榜的倒數第二名。（第一名是滿口沙的經歷。）

蜆好像煮得有點過久，因為蜆肉都縮少了一大半（像小寶寶穿了父母的衣服一般），當然石鍋可能是罪魁禍首，但也未免太誇張。

而湯頭仍可嚐到淡淡酒香，但就只有這麼一點點，甚至連蜆的味道也喝不到，是因為蜆少湯多的關係嗎？簡單來說，是只有酒味的蜆，連侍應哥哥來閒聊一句時也說「根本沒甚麼特別～！」（有夠誠實的）

所以，不建議點這個啦！

串燒鰻魚、青椒仔

鰻魚皮香脆，肉多汁，讚(●′ω`●)而青椒仔燒得剛剛好～

鰻魚茶漬飯

量少，但味道可好，與過去嚐過的茶漬飯不一樣，茶味比較淡，湯較濃。鰻魚則非常可口(≧▽≦)y

隨着茶漬飯來的醃蘿蔔，味道沒有太酸，感覺不錯(/≧▽≦/)

生薑豚肉石鍋飯

石鍋飯上桌時，侍應哥哥已經幫我們拌好了（雖然拌不勻。）所以都拍不到菜式原來的樣子。

與其說是生薑豚肉飯，倒不如換個名字叫燒汁豚肉飯，整個飯只有濃濃的醬汁味，薑卻欠奉呢。

而油量也相當多，雖知道若油分不足，飯會與石鍋相親相愛，但把飯用小碗盛起來，吃畢後整個碗都沾本油，實在是太可怕了(； 。。)

＝＝＝＝＝＝＝我是分隔線＝＝＝＝＝＝＝

服務方面，有一件事令笨妹感覺很無奈。在點菜以前的時間，服務員都沒有為我們送水，而點菜後，服務員說會送水給我們⋯⋯呆了一會，先來的居然是啤酒。

再呆一會，鄰座比我們晚點菜的小情人都有兩杯水，

然後奇妙的事情就發生了～服務生哥哥放下一杯水就走了⋯⋯

另外，服務生不會主動為你添水，但你放下碗筷時便會馬上收拾，還問你菜來齊了沒有，（非常主動的趕客手段！）(→_→)

其實，入座前，帶位哥哥已經說好離座時間，犯不着好像時刻提醒別人要離開吧（安妮的陰謀論又發作了，對不起。）

但⋯⋯笨妹還會為關西燒再食一次(′▽`〃)

一杯的份量雖然比較少，但如果一個人吃一個關西燒當正餐，感覺應該滿爽滴～

一杯鐵板燒居酒屋

 

地址 ：觀塘觀塘道418號創紀之城五期(apm)4樓20-21號舖

營業時間：星期一至日: 11:30-15:00; 17:45-00:00

回頭率　：★★★　(五星為最高)

性價比　：★★★☆

好食指數：★★★☆

＝＝＝＝＝＝＝＝＝我是分隔線＝＝＝＝＝＝＝＝＝

以下是笨妹的專頁，會與大家分享手繪漫畫的唷～有空進來看看吧！

FB//點我前往

ig //點我前往

開飯//點我前往

瑞士咖啡室 Swiss Cafe（坑口）－唔好食撈麵餐呀！！！

所謂「新屎坑三日香」，有新舖當然要湊下熱鬧。咁啱見到有人喺將軍澳個FACEBOOK GROUP到講明德有間新嘅餐廳，咁就緊係要去試吓啦！

約咗他係坑口等然後一齊行過去，入到明德商場，離遠都見到有一大班人圍住一間舖嘅門口，目的地即刻非常明顯！埋去問個姐姐拎咗飛等位之後，居然要等成廿幾張枱咁多，究竟間嘢可以有幾好食，令到一間冰室都可以派咁多張飛？

正想離開嘅時候就聽到有人講：「啲優惠券今日用唔到喎，遲吓先食啦！」笨安妮即刻話：「我哋等啦！」唔使半個鐘，就已經有位啦！

間舖都幾細，啲位一眼睇曬！而個招牌都相當有趣，成個舖名都係用麻雀砌出嚟，唔知一共用咗幾多副麻雀呢？老闆係咪好鍾意打牌？

望吓個餐牌，真係嚇到有少少跌咗係到，係一個街坊商場入面竟然會有啲咁貴嘅嘢食，「撈公仔麵餐」跟杯嘢飲要成40幾蚊？我就睇下你有幾好食！咁安妮與他，就各自叫咗一個「瑞士雞翼撈公仔麵」同「滑蛋肉片飯」。（其實其他嘢食價錢都OK，係笨妹死命要叫撈麵。）

瑞士雞翼撈公仔麵$42，額，真係搵條菜望吓都無，張相唔執，只會見到白色碗載位一堆黑色嘢。（執完仲奇怪，因為唔識執。）

呢個麵一共有兩隻雞全翼，成碗麵就大約用咗1個半麵左右。

雞翼雖然話係呢到嘅招牌菜，都好入味，但係實在煮得太耐，雞翼完全無曬咬口，用隻叉一拮落去已經成隻雞翼散開咗。

個麵多就係好多，但係又有幾多人食得曬？情願你俾少半個麵，換做丁麵，感覺上比得個大字好啲。

而且個麵又煮到太淋，根本唔好食⋯⋯$42真係貴到好過份⋯⋯

而他叫嘅「滑蛋肉片飯」，亦都好大碗，他作為一個大男人都食唔晒，如果兩個女仔嚟，一人再叫一杯嘢飲，就完美啦！（安妮無食，唔評嚕，但係望落都幾好咁樣！）所以，如果嚟食碟頭飯就OK，真係嚟淨食個公仔麵就NO啦！（大家都可以考慮下常餐，睇落都幾豐富。）

雖然間舖好忙，但係佢哋都唔會話趕你走，服務都算係咁啦！

地址 ：將軍澳培成里10號明德邨明德商場地下14B號舖

營業時間：星期一至日：18:00 - 02:00

回頭率　：★★★　(五星為最高)

性價比　：★／★★★★★（睇你食咩）

好食指數：★★★

＝＝＝＝＝＝＝＝＝我是分隔線＝＝＝＝＝＝＝＝＝

以下是笨妹的專頁，會與大家分享手繪漫畫的唷～有空進來看看吧！

FB//點我前往

ig //點我前往

開飯//點我前往

珠江酒家 － 不愛煎炸就別來，就怕你吃了會上癮！

要死在餐桌上的朋友，相約他聚舊。愛吃的笨安妮當然嚷着要一起去！(￣▽￣)~*其實是怕他們會斷背 誤X）

但聽到朋友說要到珠江酒家吃飯，安妮第一件事就是想到打退堂鼓，因為安妮早已聞說珠江酒家的招牌菜便是炸！炸！！炸！！！去挑戰珠江酒家，就是要跟自己的皮膚過不去⋯⋯當然為怕他們斷背 誤X）最終都去了⋯⋯

珠江酒家的位置很好找，就在「雷春生」對面。而珠江酒家的裝潢就像舊式的茶樓，走進去，就像時光倒流，乘着時光機回到老香港。（忘了為店面拍照）

三個人，點了五個菜，是因為有人早已打算打包回家孝敬父母親(*′▽`) 現在要開始介紹了～～～

第一道登場的菜式！燈燈燈櫈！「金沙黃金鮮魷」！聽到菜名就知道是黃金蝦的朋友，也不過是鮮魷拉油再與鹹蛋黃一同快炒的菜式，可以有多特別？沒想到放進口裹，驚喜就大了。

首先，能夠切粒的魷魚，究竟要多大隻？應該是無敵魷魚王吧！

然後，魷魚的口感極為鬆軟，若不是它散發着陣陣魷魚的獨特氣味，實在令人難以相信這顆煙韌版的綿花糖是魷魚粒。

「金沙黃金鮮魷」絕對是不得不點，不得不向大家推介的菜式。

然後來的便是「福建蜆湯」～愛喝「胡椒豬肚湯」的朋友絕對會愛上它！

珠江選用的不是蜆，而是花甲，所以都不怕有沙。爽。

而珠江用的鹹菜不會太鹹，因此沒有搶走花甲的鮮味。

另外，湯中的豬肉碎絕對是一絕，在外用餐，很少店會為煲湯的肉碎用心醃一番，令整個湯變得異常豐富。

第一道鮮魷那麼優秀，「椒鹽九肚魚」自然讓人期待(●′ω`●)。還記得笨安妮過去介紹「為食魚（點我前往）」時曾經說過「佢哋個九肚魚，係我廿四歲女以嚟，食過最最最最最最最最最最最最最最最最最最最最最……好食嘅一次！」但這回為食魚有對手了！

珠江酒家的椒鹽九肚魚比為食魚的來得還要香滑，但炸粉厚度卻略嫌厚了一點。如果兩者的優點結合，便天下無敵了！！！[]~(￣▽￣)~*期待＊

另外的一道「蠔爽」，是不吃蠔的朋友點名要吃的，果然，是不會令人失望的菜式。令人討厭的奇怪味道消失了～～不喜歡吃蠔的朋友也可以試一下。

後⋯⋯無飯不歡的笨安妮死命要點「蠔仔粥」⋯⋯um⋯⋯不想再說了⋯⋯（沒有期望便沒有失望的現實版。）但還是有香香的肉碎唷～～～

簡單而言，喜歡煎炸食物和舊風味的朋友，也值得去試一試唷～明天上班又要喝涼茶了⋯Σ( ° △ °|||)︴

地址 ：太子荔枝角道138號地下

營業時間：星期一至日：18:00 - 02:00

回頭率　：★★★　(五星為最高) 《－單純是因為怕熱氣

性價比　：★★★★☆

好食指數：★★★★

＝＝＝＝＝＝＝＝＝我是分隔線＝＝＝＝＝＝＝＝＝

以下是笨妹的專頁，會與大家分享手繪漫畫的唷～有空進來看看吧！

FB//點我前往

ig //點我前往

開飯//點我前往

百元平嘆意大利菜 - BOLD italic

某日，他陪同笨安妮要到駱駝漆某男神妻子開設的護膚品店取件，他突然說了一句「好香！」，二人發現了香氣的源頭，二人便跑進去名叫BOLD italic的餐廳去。BOLD italic的裝修簡單，亦別具心思，由情侶約會到朋友聚舊亦能應付。但坐位略嫌擠擁，私隱度欠佳，鄰座的對話幾乎都聽得清楚。　

不論午市和晚市，BOLD italic亦有七款主食讓食客選擇，五款「For meat lover」、一款鹹食窩夫「Be blod or italic」及一款為素食人士精心設計的「Never eat alone veggie BOLD italicchoice」，令素食朋友亦能與無肉不歡的朋友共聚一堂，不再孤獨。而每道主菜亦可另加$50要一份鵝肝。

BOLD italic會每星期更換一次菜單，午餐時段由$72-98不等，除主食外，亦包括沙律、每日湯品、自製香草麵包及餐飲，客人亦可加$10配甜品窩夫。而晚餐時段，主食同樣只售$72-78，若要餐湯，前菜、甜品、餐飲等，便要另加$38，但與同類形餐廳比較，價錢可謂相當相宜。

由左至右 ：自製香草麵包、沙律、每日湯品

這回的餐湯是粟米湯，濃濃的喝起來很可口，起來很有心思，而且還保留了一點粟米粗粒，為整個湯增加適量咬口，感覺新鮮。

沙律是用沙律醋，感覺清新，配上濃湯便比用普通的沙律醬少了一分油膩感。

而香草包，算是笨安妮首次品嚐，吃下去的感覺很奇怪，可能是由於整個麵包都布滿香草的關係吧！但同時，麵包亦沾滿了橄欖油⋯⋯(媽的，要吃就別想了⋯⋯)

雞扒黑松露油意大利飯。$78。看似簡單的一道心機菜，首次吃到雞皮香脆，但肉質鮮嫩的雞扒，不吃可惜。

黑醋汁香煎鵝肝意大利飯。$96。那麼奢侈的菜式，吃下去當然很爽XD。而鵝肝的份量，剛好能伴整個飯，吃過後絕對大滿足！！（但當想到人為了鵝肝⋯⋯還是少吃一點吧。）

香橙燒豬仔骨（半條）。$68每次到美式餐廳，豬仔骨絕對是必點小食。而過去嚐過的豬仔骨同樣是燒烤汁的口味，香橙口味的豬仔骨還是頭一次吃，沒有太甜，味道剛剛好。BOLD italic體貼的預先為你切件，較整件上碟討好。

香芒藍莓窩夫。整頓晚飯最令人驚喜的一環，外層香脆，內層鬆軟，重點是沒有在外頭吃過的那麼甜。問過老闆，他說是特地加入綠茶炮製，這才發現窩夫有着淡淡的綠色。雖然水果沒有很多，但這個主角「窩夫」卻令笨娜娜一試難忘。兩個人分一份，實在是太少了！

總括而言，如果午飯時段來BOLD italic，每人約$100便可以吃到物有所值的意大利菜。而晚上來BOLD italic聚會，若不點小食，最貴也不過約$150。而笨娜娜已經想好了，每個月的那一天，和他的據點都要由INN SIDE OUT換過來。沒甚麼，就是因為好吃，嘻。

BOLD italic

地址        ：九龍觀塘開源道60號駱駝漆工業大廈3座3樓P室

電話 ：2850 7333

營業時間：星期一至六: 12:00~22:00

回頭率　：★★★★☆　(五星為最高)

性價比　：★★★★

好食指數：★★★★☆

＝＝＝＝＝＝＝＝＝我是分隔線＝＝＝＝＝＝＝＝＝

以下是笨妹的專頁，會與大家分享手繪漫畫的唷～有空進來看看吧！

Facebook 專頁    ：點我前往
instagram              ： 點我前往
Openrice                :   點我前往