香港嘅俗語究竟有幾多，當中又有幾多可以同食嘢有關係？
(香港的俗語究竟有多少，當中又有多少可以與吃帶上關係？)
屎忽痕，開始試吓畫圖嘅時候，都有上網搵下資料咁，希望確認下自己有無理解錯個俗語，發現大部分資料都係簡體字網頁，而繁體字嘅網，都只係網友一齊係論壇討論。
(心癢癢，開始嘗試繪圖，均有先在網上搜集資料，希望確認我對某些俗語的理解是否正確，發現大部份資料均為簡體字網頁，而繁體字卻只有少量網友於論壇討論。)
笨安妮希望將自己識嘅，或者以為自己識嘅俗語都畫下圖做介紹，希望用少少嘅笨力，保護自己嘅母語，希望大家都覺得廣東話真係好鬼攪笑，好鬼抵死。所以「吃的粤語教學」全部都會我手寫我口，實行成篇嘢都係廣東話口語。
(笨安妮希望把自己認識的，或認為自己懂得的俗語都畫成圖畫介紹，希望以少少的笨力，保護自己的母語，希望大家都會認為廣東話很有趣。所以「吃的粤語教學」所有文字均會我手寫我口，通篇廣東話口語。為了令不懂粵語的朋友看得到，笨妹均會加插書面語，方便閱讀。)
如果發現我解釋錯誤，希望大家可以留言同我講或者email話我知，咁我就會改㗎啦。
(如果，大家發現我解釋錯誤，可以留言或email讓我知，我會修改一下。)
好！正式開始！
----------------------------------
第一幅圖就係「食碗面，反碗底」
食碗面反碗底，碗「面」唔係簡體字，同「麵」完全無關係。所謂嘅碗面，即係負責載住嘢食嘅一面。咁碗底，應該都知係碗面嘅相反位置嘞。
(食碗面反碗底，碗「面」並非簡體字，與「麵」沒有任何關係。所謂碗面，即負責盛載食物的一面。而碗底，即碗面的相反位置。)
呢句俗語真係好有畫面，係講有條友食完個碗啲嘢之後即刻倒轉個碗擺，係飯枱到咁樣做，係個超級無敵無禮貌嘅表現，無論係屋企定係街外咁做，都係非常之乞人憎。大人咁做會俾人黑面，細路咁做可能會俾人揪起嚟打㗎！
(這句俗語非常有畫面，打一個人吃飯後，把飯碗倒轉放在飯桌上。這樣做，是非常沒有禮貌的表現，不論在家中還是外出午膳，均令人討厭。)
而我係新浪網見到「人吃飯的時候，是碗口在上碗底朝下的，反轉後便是祭祀祖先的做法（祭祀祖先要把碗倒置把飯取出拜祭）。所以用過飯後把碗倒扣表示當對方已死。比喻做這種事的人忘恩負義，忘掉他人给飯之恩。」所以倒轉個碗，都係一種唔老泥黎嘅行為，如果俾老人家見到，會覺得唔舒服。
(而我在新浪網看到「人吃飯的時候，是碗口在上碗底朝下的，反轉後便是祭祀祖先的做法（祭祀祖先要把碗倒置把飯取出拜祭）。所以用過飯後把碗倒扣表示當對方已死。比喻做這種事的人忘恩負義，忘掉他人给飯之恩。」所以，把飯碗倒轉，是一種不吉祥的行為，若被長者看到，會感到不安。)
書面意義：忘恩負義、吃裡扒外、得到某某的好處(幫助)卻反過來咬他一口
廣東話近義詞：二五仔(仔) 、反骨仔(女)
廣東話反義詞：義氣仔(女)
例句一，
呢條友仔上個星期先求我俾份功課佢抄，而家東窗事發，竟然同老師講係我抄佢，真係「食碗面，反碗底」！
例句二，
你條友「食碗面，反碗底」，我幫你做咁多嘢，你竟然出賣我？
最後，希望大家唔好識到呢啲「食碗面，反碗底」嘅人啦！
(最後，希望大家不會認識到「食碗面，反碗底」的人啦！)
參考網址：
Facebook 專頁 ：https://www.facebook.com/peonyloveeating?ref=hl
instagram ：https://instagram.com/peony_love_eating/
沒有留言:
張貼留言