許久沒跟笨媽的同學和老師見面，難得老師回港，笨妹快想見一下老人家。
聽聞同行的人抱恙，想吃得清淡點，不知為何笨妹認為素食是個好選擇，看到｢大自然素食」滿多人推薦，又接近老師居住的賓館，我們就有這樣決定了。
聽聞同行的人抱恙，想吃得清淡點，不知為何笨妹認為素食是個好選擇，看到｢大自然素食」滿多人推薦，又接近老師居住的賓館，我們就有這樣決定了。
單是看餐牌中的照片，已令人嘖嘖，不同的仿肉菜式，與真品幾乎沒有分別！
 |
| 壽司拼盤(四人前) |
忘了拍刺身壽司的大頭照，但像真度極高，嘴刁至極的笨爸也說儼如吃真的魚生。
 |
| 鎮江排骨併避風塘脆鱔 |
大家都知道，脆膳是炸冬菇，所以對脆鱔的味道沒有太大期望，反正只是普通香菇罷了。但鎮江排骨絕對是誠意之作！去圖！
 |
| 齋鎮江排骨 |
看到這個，放入口中，若不是知道自己正吃素菜，還會誤會這是如假包換的五花腩！
製作的心思非常值得稱讚，老師也連連高呼｢這個絕對是真的。｣
 |
| 九製陳皮骨 |
吃的時候很有吃肉的感覺，撕開時還清楚看到肉絲，而且陳皮味香濃，爽爽。
 |
| 薑蓉炒翡翠苗 |
 |
| 潮式黃金糖醋麵 |
 |
| 黑松露芝士烤菇卷 |
有點名不符實，完全吃不到黑松露香氣。驟眼一看，還以為是個個番薯，幾有趣。
入口沒有油膩感，但亦沒有芝士氣味，完全不知道自己在吃甚麼。
 |
| 奉送糖水 |
整個晚飯的敗筆，如果沒有送這個糖水，整頓晚飯都非常滿意，正正就是呢個又南瓜、又木瓜的糖水，加上會入口變空氣的西米，笨妹絕對絕對絕對絕對絕對會給劣評。總括來說，不難吃。但與好吃絕對無緣。
基本上，｢大自然素食｣只是吃心機菜，味道沒有驚喜，屬普通貨式，
但每道都是誠意之作，有興趣的話可以見識見識。
-------------------------------吐糟時刻-------------------------------
咁一開始，笨媽同我講話總共八位，要我預先到找去攞位。
咁我就同帶位講，佢見無大枱，即刻話開張枱俾我，咁我都覺得幾好。
咁我就同帶位講，佢見無大枱，即刻話開張枱俾我，咁我都覺得幾好。
但係估唔到嘅係當我坐低咗之後，笨媽先話我知有兩個同學唔到，
咁就想諗住俾返張大枱人，換張細枱，唔好阻人做生意。
當個姐姐知道咗之後都幾老實不客氣，
執嗰兩套碗筷都大大力，荒死唔會爛咁，
我問：「使唔使俾返張枱你哋，我換返張細枱得啦」
佢話：「都開咗啦，你照坐啦。」
點知轉個頭，又唔係有客入嚟，又突然叫我調枱，即刻起張枱板搬返入倉，
前言不對後語同脾氣，真係有啲誇。
(利申：笨妹都係飲食業打滾咗幾年，都係做旺區生意，再討厭嘅客都見識過，都無試過正面發客脾氣⋯⋯入咗廚房除外）
所以，呢間嘢可以再食，但絕對唔會再去銅鑼灣嗰間。
人均消費：$110
＝＝＝＝＝＝＝＝＝我是分隔線＝＝＝＝＝＝＝＝＝
執嗰兩套碗筷都大大力，荒死唔會爛咁，
我問：「使唔使俾返張枱你哋，我換返張細枱得啦」
佢話：「都開咗啦，你照坐啦。」
點知轉個頭，又唔係有客入嚟，又突然叫我調枱，即刻起張枱板搬返入倉，
前言不對後語同脾氣，真係有啲誇。
(利申：笨妹都係飲食業打滾咗幾年，都係做旺區生意，再討厭嘅客都見識過，都無試過正面發客脾氣⋯⋯入咗廚房除外）
所以，呢間嘢可以再食，但絕對唔會再去銅鑼灣嗰間。
人均消費：$110
回頭率 ：★★★ (五星為最高)
好食指數：★★★★
地址：銅鑼灣軒尼詩道502號黃金廣場8樓
＝＝＝＝＝＝＝＝＝我是分隔線＝＝＝＝＝＝＝＝＝
笨爸:說句實話,味道袛係個別可以和不太難吃,最令人注目袛是那五層肉和壽司拼盤上的仿真魚片
回覆刪除